قصيدهـ أعجبتني للشاعر :: عبدالله بن سعود وحبيت أنقلها لكمـ ..
يقول ::
هكذا جاءت بعد اتصال وعدة رسائل من مجهول
ربما اخطـــــأ التوقيت أو اخطأ في الرقم
فماذا ترد على المجهول ... مجهول الاسم مجهول الجنس
مجهول الهويه الا بهذه الابيات ::
::
::
يا المتصل وش لك على شغلة البال
البـال مشغلتـه أمـور ٍ كثـيـره
إن كان تنشدني وتسأل عن الحـال
يعلمها بها اللي عالـم بالسريـره
اللي علم بالحال وبكـل الأحـوال
مسهـل كـل الأمـور العسيـره
لبست لي من ضيقة الصدر سربال
وما تاسع همومي فجوج الجزيـره
أصبح على هم وأمسـى بغربـال
هـم يودعنـي والأخـر أسيـره
هم ٍ يسهرني وهاجـوس مـازال
على جروح القلب يدمـي مسيـره
وهم ٍ يخج القلـب بقفـاي وإقبـال
بسهوم ورماح و شباري شطيـره
وهم سطى بالكبد منه العنـا طـال
و ادعى حياتي كل ابوها مريـره
وهم لبس من فرحته شال وعقـال
وصارت شياطينه تروبـع بزيـره
وهم خذا له داخل الفكـر منـزال
استوطنه ما شاق له ارض غيـره
مسكيـن قلبـي للغرابيـل حمـال
تحمـل اللوعـات لوهـي كبيـره
خل المعني يوم دمع الشقـا سـال
خله يكابد حسرتـه مـع مصيـره
أنا ادري إن الناس نازل ورحـال
حد ٍ شكى ضيمه ونـاس ستيـره
حظي قليل الفود ما يوم لـي قـال
ابشر بلحظات السعد لـو صغيـره
ما ذاق من طعم الفرح ربع فنجال
يا كود يردد جعل با ألأمر خيـره
إن جيت أعدلها على الدهر مـال
وإن جيت أمشيها تعثـر مسيـره
إن كنت فاضي مالي بلعبة عيـال
وإن كنت معجب فالمحبه خطيـره
حطيت لك با لذاكره رقـم جـوال
وسجلت اسمك بالشريحه (..... )